wo doem khaleefa rasool e khuda ka
ameer ehl e eeman ehl e raza ka
wo teghay jigar dar shamsheer barra
wo zarb e ilahee wo farooq e dora
he us kee bhala koi tareef kee had
wo marzee e rab he dua e muhammad
hua haq parastee ka jab se wo qael
laraznay laga us kee haibat se baatil
kahan kaun he jo muqabil me ae
mjhe mere eeman se rok pae
amal is sahabee ka radday bala tha
k shaitaan jisay dekh kar bhaagta tha
ye irshad e baala e khatm ur rusul ka
mere baad aata nabee to umer tha
umer ibn e khattab farooq e aazam
wo matloob o mehboob e rabbay do aalam
na dekha kisi ne bhee sardaar aisa
khaleefa he lekin he mazdoor jesa
chupa kar zamany se apnay iraday
chala he kamar per wo samaan laaday
?diya aik muflis ko tarkhat kaddha ke
ke is ghar main bhookay hain banday khuda ke
kaha mere daur e khilafat me koi
rahay bhooka pyaasa agar jaanwar bhee
to ehl e ajam ko na ehlay arab ko
umer phir kia de ga jawaab apnay rab ko
umer ibn e khattab farooq e aazam
wo matloob o mehboob e rabbay do aalam
khasheeyat o lillaheeyat ka wo paikar
tawakkul tawaazo thay us k asaakir
k thee jis kee shahee me tarze faqeeree
magar zaib detee thee us ko ameeree
wo makhdoom ho k bhee khaadim tha sab ka
usay khauf rehta tha bas apnay rab ka
tha khalq e khuda ka khayaal us ko itna
madeenay me raatoan ko wo ghoomta tha
umer ibn e khattab farooq e aazam
wo matloob o mehboob e rabbay do aalam
jo irshaad farmaya tha mustafa ne
kia us ko pora umer ke khuda ne
k faaraa se le kar ta Iran ho ga
ba her haal ghaalib musalmaan hoga
futoohaat us kee qadam choomtee thee
musarrat se rooh e nabi jhoomtee thee
zameen us k daur e khilafat pe naazan
falak us k tarz e adaalat pe shaadaan
zameen dar zameen us ka siqqa rawaan tha
magar koi dekhay k wo khud kahan tha
umer ibn e khattab farooq e aazam
wo matloob o mehboob e rabbay do aalam
wo niklay to ahmed k dushman thay janee
jab ae to ban le khalifa wo saanee
sar e farsh masid k goshay me jaa kar
wo leta he pathar ka takeeya laga kar
ho kia aur insaaf is se ziada
k khaadim he naaqa pe khud he piyaada
ye manzar kisi ne na dekha tha pehlay
falak bhee usay khaab samjha tha pehlay
ajab shaan o azmat ka wo hukmaraan tha
k barr o behar main bhee siqqa rawaan tha
hawaa us ka paighaam taiba se paa kar
urray aur pohanchaya iran jaa kar
parrhay us ka naama to hat jae daryaa
umer naam sun kar simat jae daryaa
wo aadil bhee munsif bhee batlay jaree tha
haqeeqat me wo naqshay paa e nabee tha
umer ibn e khattab farooq e aazam
wo matloob o mehboob e rabbay do aalam
tha manzoor e haq ye k Allah o Akbar
nabee mashwara us se letay thay aksar
masheeyat k raazoan ko wo kholta tha
k us kee zubaan main khuda bolta tha
kahaan aik farangee zameer aashna ne
k sachaaee bakhshee thee us ko khuda ne
agar ik umr aur dunya me hota
her ik shakhs hee chain kee neend sotaa
wo pehla khaeefa jisay aazmaaya
shahaadat ka aizaz jis ne he paaya
magar aik aizaaz us se bhee aala
he jis se he waqif her eemaan waala
rafeeq e mazaar e nabee e mukarram
khayaal aisay insaaf e sadq e do aalam
umer ibn e khattab farooq e aazam
wo matloob o mehboob e rabbay do aalam
No comments:
Post a Comment