bht bigra he mera dil bana dil bana de
mere dil ko kisi qaabil bana de
isay dunya ne ghera he khudaaya
tu apnay deed ka saael bana de
phansa he daldal e isyaan k andar
tu is toofan ko saahil bana de
hua he nafs e ammara ke taabay
tu itmenaan ka haamil bana de
me mehroom e basaarat huu khudaaya
baseerat jalwa e manzil bana de
rahay jo zikr se her dam munawwar
khudaya aisa mera dil bana de
ataa kar aankh mujh ko ronay walee
isee ko zeest kaa haasil bana de
waseela hazrat e rasheed ul haq ka
tu is majzoob ko kaamil bana de
rasool ullah k sadqay main ya rab
hamain firdaus k qaabil bana de
hamain jo ilme kee dolat ataa kee
tu apnay fazal se aamil bana de
jo teree zaat ka maskan ho maula
dil e mohsin ko aisa dil bana de
No comments:
Post a Comment