bas meree nigahoan main qasr e shah e aalee he
un ka sabz gumbad he , or sunehree jaleee he
aap ke tajallee se her koi mujallaa he
zaat e mustafaa kee bee, roshnee niralee he
ummat e muhammad kee azmatoan ka kia kehna
koi bu haneefa he , or koi ghazalee he
hazrat e sumaeeya ne raah e haq me jaan de kar
saree maaon behnoan kee abroo bacha lee he
ae haleema daee tu kitnee khush muqaddar he
tere goad ka bacha, do jahaan ka walee he
baada kash bee saqee bee shaah bhee bhikaree bhee
aap k dareechay ka, her koi sawalee he
be naseeb aankhoan me ashk e pur nadaamat hain
kyu k daman e mohsin ashqee se khalee he
No comments:
Post a Comment