zaahir me ehl e dil hain go hasrat leai hue
baatin magar he dolat e nisbat leai hue
maana k meer gulshan e jannat to door he
aarif hain dil me khaaliq e jannat leai hue
sehra me kabhee or kabhee daman me koh ke
phirta hu dil me dard e muhabbat leai hue
ik qalb e shikasta k aur aah o fughan k sath
main chal raha mash-al e sunnat leai hue
roo e zameen pe jo bhee he ehd e wafa k sath
wo her nafas he saya e rehmat leai hue
apnay to kia hain gher bhee karta he ehtiraam
chehray pe jo he darrhee kee zeenat leai hue
ik meer e khasta haal bhee akhtar k sath he
guzray he khoob ishq ke lazzat leai hue
No comments:
Post a Comment