jinhee milee ho zindagee me rehnumaee sheikh kee
wo goya apnay saath reh guzaar le k chaltay hain
in auliyaa ke boo e dil jahaan ko mast kartee he
jo apnay sath qalb e be karar le k chaltay hain
wo goya apnay........
khuda ka ishq kis tarah chupa sakain ge ehlay dil
jab aankhoan me ye ishq ka khumar le k chaltay hain
hamara kia bigarain gee bhala khizaan kee aandheeyan
k hum to qalb e rashk e sad bahaar le k chaltay hain
wo kesay janain auliyaa kee zindagee e javedaan
jo khud zameen pe zeest e musta aar le k chaltay hain
wo goyaa..
nazar bacha le k rakhtay hain haseeno se jo muttaqee
wo pehlooan me noor ka meenar le k chaltay hain
wo goya apnay sath….
jo ehlay dil kee majlisoan me beth tay hain roz o shab
wahan se dil me qalb e pur bahaar le k chaltay hain
No comments:
Post a Comment