زخم الفت سے جو قلب گهائل نہیں
اہل الفت کی جانب وہ مائل نہیں
جانے کیا دوستوں لطف آہ و فغاں
درد الفت کا جو قلب حامل نہیں
بحر الفت کا کوئی کنارہ کہاں
یہ سمندر ہے وہ جس کا ساحل نہیں
صحبت شیخ سے جو بهی محروم ہے
بن کے رہبر بهی وہ شیخ کامل نہیں
اس کی منبر پہ تقریر بے کیف ہے
درد دل خاک میں جس کے شامل نہیں
جس کا دل اہل دل پر نہیں ہے فدا
اس کے سینے میں دل ہے مگر دل نہیں
سارے عالم میں اختر کی ہے یہ صدا
وہ کمینہ ہے جو ان کا سائل نہیں
جو تیری بزم محبت سے گریزاں نکلا
جس طرف نکلا وہ حیران و پریشاں نکلا
دل دیا غیر کو جس نے بهی وہ ناداں نکلا
کیونکہ وہ جان چمن خار بیاباں نکلا
درد ملتا ہے تیرے درد کے بیماروں سے
شیخ پهر سارے جہاں سے بهی مہرباں نکلا
بعد مدت کے ہوئی اہل محبت کی شناخت
خاک سمجها تها جسے لعل بدخشاں نکلا
ہائے اس قطرہء دریائے محبت کا اثر کا اثر
جس کو سمجها تها کہ قطرہ ہے وہ طوفاں نکلا
خار سمجها تها جسے اہل جہاں نے اختر
دامن فقر میں اس کے ہی گلستاں نکلا
اب ہو میرا جام و صفو
لا الہ الا ہو
کہتا جاءوں کو در کو
لا الہ الا ہو
پردہ اٹها دے جلووں سے
قرب تو اپنا ایسا دے
تجهہ کو میں دیکهوں اور مجهہ کو تو
لا الہ الا ہو
دل میں قرب کے پهول کهلیں
کانٹے عصیاں کے نکلیں
آنے لگے تیری خوشبو
لا الہ الا ہو
جب سے دل میں آئے تم
عقل و ہوش و خرد سب گم
بند زباں جاری آنسو
لا الہ الا ہو
روح کی میری طاقت ہے
نطق کی میری زینت ہے
قلب کا میرے ہے یہ وضو
لا الہ الا ہو
ناز اٹهاءوں تیرے یوں
دل کا کر دوں اپنے خوں
عشق عطا کر ایسا تو
لا الہ الا ہو
دیکهے آپ کو جب مجذوب
دل دهڑکے شدت سے خوب
لب پر آئے نعرہء ہو
لا الہ الا ہو
غموں کو شادمانی دینے والے
مسرت جاودانی دینے والے
میں تجهہ پر مر کہ جینا چاہتا ہوں
اے موت اور زندگانی دینے والے
میں تیرے غم میں بوڑھا ہو رہا ہوں
اے خوشیوں کو جوانی دینے والے
تری خاطر شکستہ دل ہوں کب سے
اے فتح و کامرانی دینے والے
مضامیں غیب سے مجهہ کو عطا کر
اے لفظوں کو معانی دینے والے
میری شعروں کو لا ثانی بنا دے
مجهے رومیء ثانی دینے والے